வலிமை அப்டேட்தான வேணும்? இந்தாங்க..! – பாடல் அப்டேட் கொடுத்த யுவன்!

விஜய் பிறந்தநாளில் பீஸ்ட் அப்டேட் வெளியாகியுள்ள நிலையில் அஜித் ரசிகர்களுக்கு ஆறுதல் அளிக்கும் வகையில் வலிமை பாடல் குறித்த அப்டேட் வழங்கியுள்ளார் யுவன் சங்கர் ராஜா.

இன்று நடிகர் விஜய் பிறந்தநாள் கொண்டாடப்படும் நிலையில் விஜய்யின் 65வது படமான பீஸ்ட் படத்தின் போஸ்டர்கள் வெளியாகி வைரலாகியுள்ளது. அஜித்தின் வலிமை பட ஷூட்டிங் தொடங்கி பல காலமாகிவிட்ட நிலையில் விஜய்யின் பிகில், மாஸ்டர் படங்கள் முடிந்து பீஸ்ட் பணிகளும் தொடங்கிவிட்டன.

இந்நிலையில் அப்டேட் கிடைக்குமா கிடைக்காதா என அஜித் ரசிகர்கள் மீண்டும் தயாரிப்பாளர் போனி கபூரை வறுக்க தொடங்கிவிட்டனர். இந்நிலையில் நேற்று க்ளப்ஹவுஸில் மாநாடு சிங்கில் ரிலீஸில் பேசிய யுவன் சங்கர் ராஜா “வலிமை” படத்தில் ஒரு அம்மா செண்டிமெண்ட் பாடல் தான் இயற்றியுள்ளதாக தெரிவித்துள்ளார்.

2006ல் அஜித் நடித்த வரலாறு படத்திற்கு பிறகு வேறு எந்த படத்திலும் அம்மா செண்டிமெண்ட் பாடல் இடம்பெறவில்லை என்பதால் இந்த செய்தி அஜித் ரசிகர்களிடையே சிறிய எதிர்பார்ப்பை ஏற்படுத்தியுள்ளது.