’இந்தி தெரியாது போடா’: சாந்தனு மனைவியின் டீசர்ட் வைரல்!

’இந்தி தெரியாது போடா’: சாந்தனு மனைவியின் டீசர்ட் வைரல்!

இந்தியா முழுவதும் ஹிந்திக்கு ஆதரவு இருந்தாலும் தமிழகத்தில் மட்டும் கடந்த 50 ஆண்டுகளுக்கும் மேலாக இந்தி எதிர்ப்புக் கொள்கை கடைப்பிடிக்கப்பட்டு வருகிறது என்பது தெரிந்ததே. அந்த வகையில் சமீபத்தில் திமுக எம்பி கனிமொழி அவர்கள் தனக்கு இந்தி தெரியாது என்று கூறியதால் விமான நிலைய ஊழியர் ஒருவரால் அவமதிக்கப்பட்டதாக கூறியது பெரும் பரபரப்பை ஏற்படுத்தியுள்ளது

தமிழகத்தில் அவ்வப்போது ஹிந்தி எதிர்ப்பு குரல்கள் பல்வேறு வடிவங்களில் தோன்றி வரும் நிலையில் தற்போது ஒருசில சினிமா நட்சத்திரங்கள் ஹிந்திக்கு எதிரான டீசர்ட் அணிந்த புகைப்படங்களை சமூக வலைதளங்களில் வைரல் ஆகி வருகின்றன

நேற்று இசையமைப்பாளர் யுவன் சங்கர் ராஜா 'I am a தமிழ் பேசும் Indian' என்ற வாசகங்களுடன் கூடிய டீ-சர்ட் அணிந்திருந்தார். இந்த நிலையில் தற்போது சாந்தனு மனைவி கிகி ‘எனக்கு ஹிந்தி தெரியாது போடா’ என்ற வாசகங்களுடன் கூடிய டி ஷர்ட்டை அணிந்து புகைப்படத்திற்கு போஸ் கொடுத்துள்ளார்

இந்தி எதிர்ப்பு வாசகங்களுடன் கூடிய இந்த டீசர்ட்கள் தற்போது சமூக வலைதளங்களில் வைரலாகி வருகிறது. சினிமா நட்சத்திரங்களை தொடர்ந்து தற்போது பொது மக்களும் இந்தி எதிர்ப்பு வாசகங்களுடன் கூடிய டீசர்ட்களை அணிய ஆரம்பித்து விட்டனர் என்பது குறிப்பிடத்தக்கது