யோகிபாபு நடிப்பில் புதிதாக உருவாக இருக்கும் காக்டெய்ல் என்ற படத்தின் போஸ்டர் புதிதாக ஒரு சர்ச்சையைக் கிளப்பியுள்ளது.
நடிகர் யோகிபாபு தமிழ் சினிமாவின் தற்போதைய காமெடி நடிகர்களில் நம்பர் ஒன்னாக இருந்து வரும் வேளையில் ஹீரோ வேடங்களிலும் நடித்து வருகிறார். அவர் நடிப்பில் வெளியான தர்மபிரபு திரைப்படம் வெற்றியைப் பெற்ற நிலையில் இப்போது அவர் நடித்து வரும் ’காக்டெயில்’ என்ற திரைப்படத்தின் பர்ஸ்ட் லுக் போஸ்டர் வெளியாகியுள்ளது. இந்த போஸ்டரில் அவர் முருகன் வேடத்தில் கையில் வேல் வைத்து நின்று கொண்டிருப்பது போல அமைக்கப்பட்டு இருந்தது.
இந்த போஸ்டர் இந்துக்களின் மனதைப் புண்படுத்தும் வகையில் கடவுள் முருகனை அவமானப்படுத்தும் விதமாக இருப்பதாகவும் குற்றச்சாட்டுகள் எழுந்துள்ளன. இது ஒருபுறம் என்றால் மற்றொரு பக்கமோ முருகன் வேடம் தரித்திருக்கும் யோகிபாபு ஏன் பூனூல் அணியவில்லை எனக் கேள்வி எழுப்பி சர்ச்சையை மேலும் கிளப்பியுள்ளன.