அல்லு அர்ஜுனுக்கு ஹாலிவுட் நடிகரை வில்லனாக்க முயற்சிக்கும் அட்லி.. யார் தெரியுமா?

தமிழில் அடுத்தடுத்து விஜய்யை வைத்து ஹிட் கொடுத்த அட்லி பாலிவுட் சென்று ஷாருக் கானை வைத்து ‘ஜவான்’ என்ற பேன் இந்தியா பிளாக்பஸ்டர் ஹிட் படத்தைக் கொடுத்தார். அட்லி அடுத்து அல்லு அர்ஜுனை வைத்து பிரம்மாண்டமாக ஒரு அறிவியல் புனைகதைப் படத்தை உருவாக்கவுள்ளார். இந்த படத்தை சன் பிக்சர்ஸ் நிறுவனம் தயாரிக்கிறது.

இந்த படத்தின் அறிவிப்பு சமீபத்தில் வெளியானது. இந்த படத்துக்கு சாய் அப்யங்கர் இசையமைக்கிறார். படம் பிரம்மாண்டமான சயின்ஸ் பிக்‌ஷன் படமாக இருக்கும் என சொல்லப்படுகிறது. தற்போது அமெரிக்காவில் படத்துக்கான லுக் டெஸ்ட் நடைபெற்று வருகிறது. இந்த படத்தில் அல்லு அர்ஜுன் மூன்று வேடங்களில் நடிக்கவுள்ளதாக சொல்லப்படுகிறது. மேலும் இந்த ஆறு முன்னணிக் கதாநாயகிகள் நடிக்கவுள்ளதாக சொல்லப்படுகிறது. ஏற்கனவே தீபிகா படுகோன் மற்றும் மிருனாள் தாக்கூர் ஆகியோர் ஒப்பந்தமாகியுள்ளனர்.

இந்த படத்தில் வில்லனாக நடிக்கவைக்க ஹாலிவுட் நடிகர்களிடம் பேச்சுவார்த்தை நடத்தப்படுவதாக தகவல்கள் வெளியாகின. அந்த பட்டியலில் ஹாலிவுட் நடிகர் வில் ஸ்மித் முன்னிலையில் இருப்பதாக சொல்லப்பட்டது. ஆனால் இப்போது மற்றொரு நடிகரான டுவைன் ஜான்சனிடமும் ( தி ராக்) தற்போது பேச்சுவார்த்தை நடப்பதாக சொல்லப்படுகிறது.