வேலை நாட்களில் குறைந்த குட் பேட் அக்லி வசூல்… இன்று முதல் மீண்டெழுமா?

அஜித் நடித்த ‘குட் பேட் அக்லி’ படம் கடந்த  வாரம் வியாழக்கிழமை உலகம் முழுவதும் திரையரங்குகளில் வெளியாகி, ரசிகர்களிடையே நல்ல வரவேற்பை பெற்று வருகிறது.  இந்நிலையில், இந்த படம் கலவையான விமர்சனங்களைப் பெற்றாலும் மிகப்பெரிய அளவில் வசூல் செய்து வருகிறது.

வசூலில் பெரிய அளவில் சாதித்து வரும் இந்த படம் தமிழக அளவில் மட்டும் இன்று 100 கோடி ரூபாய் வசூலைக் கடந்துள்ளதாக புள்ளிவிவரங்கள் வெளியாகியுள்ளன. இதன் காரணமாக இந்த படம் விரைவில் 200 கோடி ரூபாய் வசூலை உலகளவில் எட்டும் என்றும் மேலும் 250 கோடி ரூபாய்க்கு மேலாக திரையரங்குகள் மூலமாக எட்டும் என்றும் சொல்லப்படுகிறது.

இந்த படம் ஏப்ரல் 10 ஆம் தேதி ரிலீஸான நிலையில் ஏப்ரல் 14 ஆம் தேதி வரை அடுத்தடுத்து விடுமுறை நாட்கள் வந்ததால் வசூல் பெரிய அளவில் இருந்தது. ஆனால் அதன் பின்னர் வேலை நாட்களில் வசூல் 6 கோடி ரூபாய் என்ற அளவுக்குக் குறைந்தது. இந்நிலையில் இன்று புனித வெள்ளி விடுமுறை மற்றும் அடுத்தடுத்து சனி, ஞாயிறு விடுமுறை என்பதால் மீண்டும் வசூல் அதிகரிக்கும் என எதிர்பார்க்கப்படுகிறது.