5 பாட்டிருக்கி… 75 கோடி செலவு செஞ்சிருக்கி… கேம்சேஞ்சர் தயாரிப்பாளர் கொடுத்த அப்டேட்!

ஆர் ஆர் ஆர் படத்துக்குப் பிறகு இந்திய சினிமாவின் பிரபலமான நடிகர்களில் ஒருவராக உருவாகியுள்ளார் ராம்சரண். கேம்சேஞ்சர் படத்தை ஷங்கர் இயக்க தெலுங்கு தயாரிப்பாளர் தில் ராஜூ தயாரிக்கிறார். இந்த படத்துக்கு இயக்குனர் கார்த்திக் சுப்பராஜ் கதை எழுதியுள்ளார். படத்தில் வில்லனாக எஸ் ஜே சூர்யா நடிக்கிறார். தமன் முதல் முதலாக ஷங்கர் படத்துக்கு இசையமைக்கிறார்.

இந்த படம் கிட்டத்தட்ட 2 ஆண்டுகளாக உருவாகி வருகிறது. இதையடுத்து படம் ஜனவரி 10 ஆம் தேதி ரிலீஸாகவுள்ளது. படத்தின் டிரைலர் நேற்று ரிலீஸாகி கவனம் பெற்றுள்ளது. ஷங்கரின் அதே டெம்ப்ளேட் வகை கதையாகதான் இந்த படமும் இருக்கப் போகிறது என்ற பிம்பத்தைக் கொடுத்துள்ளது. ஆர் ஆர் ஆர் படத்துக்குப் பிறகு ராம்சரண் நடிக்கும் படம் என்பதால் பெரிய அளவில் எதிர்பார்ப்பு நிலவுகிறது.

இந்நிலையில் படம் பற்றி பேசியுள்ள படத்தின் தயாரிப்பாளர் தில் ராஜு “இந்த படத்தில் 5 பாடல்கள் உள்ளன. அதற்காக மட்டும் 75 கோடி ரூபாய் செலவிடப்பட்டுள்ளது” எனக் கூறியுள்ளார். வழக்கமாக ஷங்கர் பாடல்களுக்கு அதிகமாக செலவு செய்வார். ஆனால் சமீபகாலமாக ரசிகர்கள் ஷங்கரின் கிம்மிக்ஸ் பாடல்களை பெரிதும் விரும்புவதில்லை என்பது குறிப்பிடத்தக்கது.