இந்த முறை கட்டாயம் உண்டு; அஜித் ரசிகர்களை உற்சாகப்படுத்திய சிவா

அஜித் நடிப்பில் வெளிவர உள்ள விவேகம் படத்தின் டிரைலர் வெளியீடு தேதியை இயக்குநர் சிவா நாளை அறிவிக்க உள்ள நிலையில் ரசிகர்கள் பெரும் மகிழ்ச்சியில் உள்ளனர்.

அஜித் நடிப்பில் வரும் 24ஆம் தேதி வெளிவர உள்ள விவேகம் படத்திற்கு ரசிகர்களிடையே பெரும் எதிர்பார்ப்பு உள்ளது. சிவா இயக்கத்தில் அஜித் மூன்றாவது முறையாக நடித்திருக்கும் படம் விவேகம். வீரம் படத்தின் வெற்றியை தொடர்ந்து வேதாளம் வெளிவந்தது. இரண்டு படங்களும் ரசிகர்கள் மத்தியில் நல்ல வரவேற்பை பெற மீண்டும் கூட்டணி அமைத்தனர் சிவா - அஜித். 

தற்போது விவேகம் படத்தின் டீஸர் மற்றும் பாடல்கள் வெளியாகி ரசிகர்கள் மத்தியில் நல்ல வரவேற்பை பெற்றுள்ளது. இந்நிலையில் விவேகம் டிரைலரை எதிர்பார்த்து ரசிகர்கள் ஆவலோடு உள்ளனர். வேதாளம் படத்தின் டிரைலர் வெளியாகாமலே படம் வெளியானது குறிப்பிடத்தக்கது. 

ஆனால் இந்த முறை டிரைலர் வெளியாவது உறுதி. இதனை படத்தின் ஏடிடர் உறுதி செய்தார். மேலும் இயக்குநர் சிவா டிரைலர் வெளியீடு தேதியை நாளை அறிவிக்க உள்ளார். இதனால் அஜித் ரசிகர்கள் மகிழ்ச்சியில் உள்ளனர்.