பல்கேரியாவை காலி செய்த விவேகம் குழு

அஜித் நடித்துவந்த ‘விவேகம்’ படத்தின் ஷூட்டிங் முடிந்து, பூசணிக்காய் உடைத்துவிட்டனர். இதையடுத்து விரைவில் பல்கேரியாவை காலி செய்து சென்னை திரும்புகிறது படக்குழு.

சிவா இயக்கத்தில் அஜித் நடித்துள்ள படம் ‘விவேகம்’. அஜித் ஜோடியாக காஜல் அகர்வால் நடித்துள்ளார். விவேக் ஓபராய், அக்‌ஷரா ஹாசன் ஆகியோர் முக்கியக் கதாபாத்திரங்களில் நடித்துள்ளனர். சத்யஜோதி ஃபிலிம்ஸ் சார்பில் தியாகராஜன் இந்தப் படத்தைத் தயாரிக்க, அனிருத் இசையமைத்துள்ளார்.

இந்தப் படத்தின் இறுதிக்கட்ட படப்பிடிப்பு, பல நாட்களாக பல்கேரியாவில் நடைபெற்று வந்தது. இதனால், டீஸர் கட் பண்ணுவதற்காக எடிட்டர் ரூபன் கூட பல்கேரியாவுக்குச் சென்றார். இந்நிலையில், நேற்றுடன் படப்பிடிப்பு முடிந்து, பூசணிக்காய் உடைத்துவிட்டார்கள் என்கிறார்கள். விரைவில் சென்னை திரும்புகிறது படக்குழு.