பிரபல ஓடிடியில் ரிலீஸ் ஆனது விஷாலின் ரத்னம் திரைப்படம்!

ஹரி இயக்கத்தில் நடிகர் விஷால், ப்ரியா பவானி சங்கர் உள்ளிட்டோர் நடித்து தயாரான திரைப்படம் ‘ரத்னம். இந்த படம் ஏப்ரல் 26 ஆம் தேதி வெளியானது. வெளியானதில் இருந்து கலவையான விமர்சனங்களையும் மோசமான வசூலையும் பெற்றுள்ளது. இதனால் விஷால் கேரியரில் மிக மோசமான வசூல் செய்த படமாக ரத்னம் அமைந்துள்ளது.

இந்நிலையில் விஷால் அடுத்து துப்பறிவாளன் 2 மற்றும் முத்தையா இயக்கும் புதிய படம் ஆகியவற்றில் நடிக்க உள்ளதாக சொல்லப்படுகிறது. ஆனால் ரத்னம் படத்தின் மோசமான வசூலால் இந்த படங்கள் தொடங்குவதில் சிக்கல் ஏற்பட்டுள்ளது. இதற்குப் பிறகு விஷால் தமிழக பாஜக தலைவர் அண்ணாமலையின் பயோபிக்கில் நடிக்க உள்ளதாக ஒரு தகவல் பரவி வருகிறது.

இந்நிலையில் ரத்னம் திரைப்படம் தற்போது அமேசான் ப்ரைம் ஓடிடி தளத்தில் ஸ்ட்ரீம் ஆகியுள்ளது. திரையரங்கில் கலவையான விமர்சனங்களைப் பெற்ற இந்த திரைப்படம் ஓடிடியிலாவது வரவேற்பைப் பெறுமா என்ற கேள்வி எழுந்துள்ளது.