விஷால் படத்தில் ஸ்டண்ட் மாஸ்டராக கனல் கண்ணன்… படக்குழு அறிவிப்பு!

தமிழ் சினிமாவின் கமர்ஷியல் இயக்குனர்களில் ஒருவர் இயக்குனர் ஹரி. அவர் இயக்கிய சாமி, ஆறு, சிங்கம் உள்ளிட்ட படங்கள் மிகப்பெரிய அளவில் வெற்றியைப் பெற்றவை. சமீபத்தில் அவர் அருண் விஜய் நடிப்பில் உருவான யானை திரைப்படத்தை இயக்கி இருந்தார். இந்த படம் பெரியளவில் வெற்றி பெறவில்லை. இதற்கு அடுத்து ஹரி அடுத்து விஷால் நடிப்பில் ஒரு படத்தை இயக்க உள்ளார்.

தாமிரபரணி, பூஜை ஆகிய படங்களுக்குப் பிறகு இருவரும் மூன்றாவது முறையாக இந்த படத்தில் இணைகின்றனர். கார்த்திக் சுப்பராஜ் தயாரிக்கும் இந்த படத்தை மூன்றே மாதங்களில் முடிக்க திட்டமிட்டுள்ளாராம் இயக்குனர் ஹரி.

இந்த படத்தில் ஸ்டண்ட் மாஸ்டராக சூப்பர் சுப்பராயன் இணைந்த நிலையில் கிளைமேக்ஸ் காட்சிக்கான ஸ்டண்ட்டை மட்டும் கனல் கண்ணன் இயக்க உள்ளதாக படக்குழு அறிவித்துள்ளது. பல ஆண்டு இடைவெளிக்குப் பிறகு கனல் கண்ணன் ஸ்டண்ட் இயக்குனராக இந்த படத்தில் பணியாற்றுகிறார்.