நடிகர் திலகம் சிவாஜி கணேசனின் பேரனும் பிரபுவின் மகனுமான விக்ரம் பிரபு, பிரபு சாலமன் இயக்கிய ’கும்கி’ என்ற திரைப்படத்தில் கடந்த 2012ஆம் ஆண்டு நடிகராக அறிமுகமானார். அதன் பின்னர் அரிமா நம்பி, வெள்ளைக்கார துரை, வீரசிவாஜி உள்ளிட்ட பல படங்களில் நடித்த அவர் தற்போது மணிரத்னம் இயக்கிவரும் ’பொன்னியின் செல்வன்’ மற்றும் ’பாயும் புலி நீ எனக்கு’ ஆகிய படங்களில் நடித்து வருகிறார்
இந்த நிலையில் சமீபத்தில் விக்ரம் பிரபு நடிப்பில் தமிழ் என்பவர் இயக்கும் திரைப்படம் குறித்த அறிவிப்பு வெளிவந்தது. இந்த படத்தின் டைட்டிலுடன் கூடிய பர்ஸ்ட் லுக் போஸ்டர் சற்றுமுன் வெளியாகி உள்ளது
இந்த படத்திற்கு ’டாணாக்காரன்’ என்ற டைட்டில் வைக்கப்பட்டுள்ளது என்பது குறிப்பிடத்தக்கது. ஜிப்ரான் இசையில் உருவாகும் இந்த படத்தை எஸ்ஆர் பிரகாஷ் பாபு என்பவர் தயாரித்துள்ளார். இந்த படத்தின் படப்பிடிப்பு விறுவிறுப்பாக நடைபெற்று வருவதாகவும் விரைவில் ரிலீஸ் ஆகும் என்றும் அறிவிக்கப்பட்டுள்ளது