சலீம் இயக்குனருடன் இணையும் விக்ரம் பிரபு!

சலீம் படத்தை இயக்கிய நிர்மல் குமார் இயக்கும் புதிய படத்தில் நடிகர் விக்ரம் பிரபு நடிக்கவுள்ளார்.

கடந்த 2014ம் ஆண்டு விஜய் ஆண்டனி நடிப்பில் வெளியான திரைப்படம் சலீம். இப்படத்தை அறிமுக இயக்குனர் நிர்மல் குமார் இயக்கியிருந்தார். ஆக்‌ஷன், திரில்லர் ஜானரில் உருவான இத்திரைப்படம் ரசிகர்களிடம் நல்ல வரவேற்பை பெற்றது.

இந்த படத்தின் இயக்குனர் இயக்கவிருக்கும் புதிய படத்தில் நடிகர் விக்ரம் பிரபு நடிக்கவுள்ளார். தொடர் தோல்விகளை சந்தித்து வரும் விக்ரம் பிரபுவுக்கு இப்படம் வெற்றிபடமாக அமையுமா என்பதை பொருத்திருந்துதான் பார்க்க வேண்டும். 

விக்ரம் பிரபு தற்போது ஹன்சிகாவுடன் சேர்ந்து தூப்பாக்கி முனை படத்தில் நடித்து கொண்டிருக்கிறார். மேலும், அசுரகுரு என்ற படத்திலும் நடித்து வருகிறார்.