விஜய் சேதுபதியுடன், த்ரிஷா நடிக்கும் ‘96’ படத்துக்கான பூஜை இன்று நடைபெறுகிறது.
விஜய் சேதுபதி ஜோடியாக த்ரிஷா நடிக்க இருக்கும் புதிய படம் ‘96’. சி. பிரேம் குமார் என்பவர் இந்தப் படத்தின் மூலம் இயக்குநராக அறிமுகம் ஆகிறார். இவர், ‘நடுவுல கொஞ்சம் பக்கத்த காணோம்’ படத்தின் ஒளிப்பதிவாளர். ‘ஒரு பக்க கதை’ படத்துக்கு இசையமைத்துள்ள கோவிந்த் மேனன், இந்தப் படத்துக்கு இசையமைத்திருக்கிறார்.
1996ஆம் ஆண்டு காலகட்டத்தில் நடப்பது போல் இந்தக் கதை அமைக்கப்பட்டுள்ளது. ட்ராவல் போட்டோகிராபராக இந்தப் படத்தில் நடிக்கிறார் விஜய் சேதுபதி. ஹீரோ – ஹீரோயின் இருவருக்குமான சின்ன வயது கேரக்டரில் நடிக்க ஆள் தேடி வந்தனர். அவர்கள் கிடைத்ததையொட்டி இன்று சென்னையில் இந்தப் படத்தின் பூஜை நடைபெறுகிறது. தொடர்ந்து, விரைவில் கும்பகோணத்தில் ஷூட்டிங் தொடங்குகிறது.
