நக்ஸல் போராளியாக நடிக்கும் விஜய் சேதுபதி… எந்த படத்தில் தெரியுமா?

நடிகர்கள் விஜய் சேதுபதி மற்றும் சூரி நடிப்பில் உருவாகும் விடுதலை படத்தைப் பற்றிய முக்கிய தகவல் வெளியாகியுள்ளது.

தனுஷுடனான அசுரன் படத்தின் வெற்றியை தொடர்ந்து இயக்குனர் வெற்றிமாறன் இயக்கி வரும் திரைப்படம் “விடுதலை”. இந்த படத்தின் மூலமாக காமெடி நடிகர் சூரி முதன்முறையாக கதாநாயகனாக நடிக்கிறார். இந்த படத்தில் முக்கியமான கதாப்பாத்திரத்தில் விஜய் சேதுபதி நடிக்கிறார். இந்த படம் விஜய் சேதுபதியின் வருகைக்கு பின்னர் அதற்கான மார்க்கெட் இப்போது அதிகமாகியுள்ளது. இந்நிலையில் இந்த படத்தை பேன் இந்தியா திரைப்படமாக ரிலீஸ் செய்யலாம் என தயாரிப்பாளர் முடிவு செய்துள்ளாராம். இதனால் 5 மொழிகளில் ஒரே நேரத்தில் ரிலீஸ் ஆகலாம் என சொல்லப்படுகிறது.

இந்நிலையில் இந்த படத்தில் விஜய் சேதுபதி நடிக்கும் கதாபாத்திரம் பற்றிய தகவல் வெளியாகியுள்ளது. இந்த படத்தில் வயதான போலிஸ்கைதியாக நடிக்கும் விஜய் சேதுபதி, 80 களில் நக்சல் போராளியாக வருவாராம். இந்த படத்தின் திரைக்கதையை ஜெயமோகனின் துணைவன் கதையை அடிப்படையாக வைத்து வெற்றிமாறன் உருவாக்கியுள்ளார்.