இனிமேல் கெஸ்ட் ரோல் இல்லை…. முக்கிய முடிவெடுத்த மக்கள் செல்வன்!

நடிகர் விஜய் சேதுபதி இனிமேல் கெஸ்ட் ரோலில் நடிக்கப் போவதில்லை என்ற முடிவை எடுத்துள்ளதாக சொல்லப்படுகிறது.

நடிகர் விஜய் சேதுபதியின் கைவசம் 10க்கும் மேற்பட்ட படங்கள் உள்ளன. அதுபோலவே அவர் நடித்து முடித்து ரிலிஸுக்காக காத்திருக்கும் படங்களும் எண்ணிக்கையில் அடங்காமல் உள்ளன. கடந்த சில வருடங்களாக தமிழ் சினிமாவில் அதிக படங்களில் நடித்த நடிகராக விஜய் சேதுபதிதான் இருந்து வருகிறார். ஆனால் அதில் பல படங்களில் கௌரவ வேடம் என்ற பெயரில் துண்டு துக்கடா வேடங்கள்தான்.

அந்த படங்கள் ரசிகர்களோடு வரவேற்பைப் பெறவில்லை. அதுபோக மோசமான விமர்சனங்களைப் பெற்றன. இந்நிலையில் இனிமேல் கையில் இருக்கும் படங்களை முடித்துவிட்டு தன்னுடைய கதாபாத்திரங்களுக்கு முக்கியத்துவம் உள்ள கதைகளை மட்டுமே ஏற்று நடிக்க உள்ளதாக சொல்லப்படுகிறது.