இந்தி படங்கள் ஓவர்… மலேசியாவில் முகாமிட்ட விஜய் சேதுபதி!

விஜய் சேதுபதி நடிப்பில் சில ஆண்டுகளுக்கு முன்னர் ஒரு நல்ல நாள் பாத்து சொல்றேன் என்ற படத்தை இயக்கி தயாரித்தார் ஆறுமுக குமார். அந்த படம் மிகப்பெரிய தோல்விப் படமாக அமைந்தது. இதையடுத்து மீண்டும் அவர் இயக்கம் மற்றும் தயாரிப்பில் உருவாகும் படத்தில் நடிக்க உள்ளார் விஜய் சேதுபதி.

இந்த படத்தில் வடிவேலுவும் ஒரு முக்கியக் கதாபாத்திரத்தில் நடிக்க உள்ளார். இந்த படம் ஜனவரி மாதத்தில் தொடங்கும் என சொல்லப்பட்டது. இந்நிலையில் இந்த படத்தில் நடிப்பதற்காக தான் ஒப்புக்கொண்ட இந்தி படங்கள் எல்லாவற்றையும் முடித்துள்ள விஜய் சேதுபதி, இப்போது மலேசியாவில் முகாமிட்டு இந்த படத்துக்கான வேலைகளை செய்து வருகிறாராம்.

இந்த படத்தின் ஷூட்டிங் மலேசியாவில்தான் நடக்க உள்ளதாக தகவல்கள் வெளியாகியுள்ளன.