கிறிஸ்துமஸ் தினத்தில் தொடங்கியது விஜய் சேதுபதியின் மெர்ரி கிறிஸ்துமஸ் படப்பிடிப்பு!

விஜய் சேதுபதி பாலிவுட் இயக்குனர் ஸ்ரீராம் ராகவன் இயக்கத்தில் நடிக்க உள்ள மெர்ரி கிறிஸ்துமஸ் படத்தின் படப்பிடிப்பு தொடங்கியுள்ளது.

தமிழகத்தை சேர்ந்த ஸ்ரீராம்  ராகவன் இந்தி திரைப்படங்களை இயக்கி பிரபலமானவர். அவர் இயக்கிய பட்லாபூர் மற்றும் அந்தாதூன் ஆகிய படங்கள் மிகப்பெரிய வெற்றியைப் பெற்றன. அதிலும் அந்தாதூன் உலகளவில் புகழ் பெற்ற படமாக மாறியது. இப்போது பல மொழிகளில் ரீமேக் செய்யப்பட்டு வருகிறது. இந்நிலையில் இப்போது ஸ்ரீராம் தனது அடுத்த படத்தை இயக்கும் முனைப்பில் உள்ளார்.

இந்த படத்தில் ஒரு முக்கியமான கதாபாத்திரத்தில் நடிக்க விஜய் சேதுபதி ஒப்பந்தம் ஆகியுள்ளார். இந்த படத்துக்கு இப்போது மெர்ரி கிறிஸ்துமஸ் என்று பெயர் வைக்கப்பட்டுள்ளது. இந்த படத்தின் படப்பிடிப்பு தொடங்க இருந்த நிலையில் கதாநாயகி காத்ரின கைஃப் கொரோனாவால் பாதிக்கப்பட்டது மற்றும் அவரது திருமணம் ஆகியவற்றால் தள்ளிப்போனது.

இந்நிலையில் இன்று கிறிஸ்துமஸ் தினத்தில் படத்தின் படப்பிடிப்பை தொடங்கியுள்ளனர் படக்குழுவினர். இதற்காக விஜய் சேதுபதி மும்பை சென்று படப்பிடிப்பில் கலந்துகொண்டுள்ளார்.