சச்சின் பட ரி ரிலீஸில் ஏற்பட்ட திடீர் குழப்பம்… எப்போது ரிலீஸ்?

விஜய் முன்னணி கதாபாத்திரத்தில் நடிப்பில், கலைப்புலி எஸ். தாணு தயாரிப்பில் உருவான ‘சச்சின்’ திரைப்படம் திரைக்கு வந்து 20 ஆண்டுகள் கடந்துள்ள நிலையில், இந்த படத்தை மீண்டும் வெளியிட இருப்பதாக தயாரிப்பாளர் தாணு தனது சமூக வலைதளத்தில் அறிவித்துள்ளார்.

விஜய், ஜெனிலியா, பிபாஷா பாசு, வடிவேலு, சந்தானம், ரகுவரன், தலைவாசல் விஜய் உள்ளிட்ட பலரும் முக்கிய கதாபாத்திரங்களில் நடித்திருந்த இந்த படத்தை, பிரபல இயக்குநர் மகேந்திரனின் மகன் ஜான் இயக்கியிருந்தார். இப்படத்திற்காக தேவி ஸ்ரீ பிரசாத் இசையமைத்து, நினைவில் நிலைக்கும் பாடல்களை வழங்கியுள்ளார். சச்சின் படம் ரிலீஸின் போது ரஜினியின் ‘சந்திரமுகி’ மற்றும் கமல்ஹாசனின் ‘மும்பை எக்ஸ்பிரஸ்’ ஆகிய படங்களும் கூட ரிலீஸாகின.

இதில் சந்திரமுகியின் இமாலய வெற்றியால் மற்ற இரு படங்களும் பெரிய வெற்றியைப் பெறவில்லை. இந்நிலையில் இப்பொது சச்சின் படத்தின் ரி ரிலீஸில் முதல் ரிலீஸில் ரிலீஸான திரையரங்குகளின் எண்ணிக்கையை விட அதிக திரையரங்குகளில் ரிலீஸ் செய்ய திட்டமிடப்பட்டுள்ளதாக தகவல் வெளியாகினது. மார்ச் மாத இறுதியில் இந்த படத்தை ரிலீஸ் செய்ய படக்குழு திட்டமிட்டிருந்தது. ஆனால் அவர்கள் திட்டமிட்ட தேதியில் விக்ரம்மின் ‘வீர தீர சூரன்’ திரைப்படம் ரிலீஸாக உள்ளதால் இப்போது ரிலீஸ் தேதியில் ஒரு குழப்பம் ஏற்பட்டுள்ளதாக சொல்லப்படுகிறது.