விஜய்யின் ‘மெர்சல்’ படத்துக்கு, இதுவரை 130 கோடி ரூபாய் செலவு செய்யப்பட்டுள்ளது என்கிறார்கள்.
அட்லீ இயக்கத்தில் விஜய் மூன்று வேடங்களில் நடித்துவரும் படம் ‘மெர்சல்’. இந்தப் படத்தில் விஜய்க்கு ஜோடியாக நித்யா மேனன், காஜல் அகர்வால், சமந்தா என மூன்று பேர் நடித்துள்ளனர். ஏ.ஆர்.ரஹ்மான் இசையமைக்க, ஸ்ரீ தேனாண்டாள் ஸ்டுடியோ லிமிடெட் நிறுவனம் இந்தப் படத்தைத் தயாரிக்கிறது.
ஆரம்பத்தில் போட்ட பட்ஜெட்டைவிட, தற்போது செலவாகியிருக்கும் தொகை எங்கேயே எகிறி நிற்கிறதாம். இதுவரை மட்டுமே 130 கோடி ரூபாய் செலவழித்துள்ளதாகத் தெரியவந்துள்ளது. இன்னும் சில நாட்கள் ஷூட்டிங் பாக்கி இருக்கிறது, போஸ்ட் புரொடக்ஷன் பணிகள் இருக்கின்றன. அதற்கெல்லாம் எவ்வளவுதான் செலவாகுமோ தெரியாது. விஜய்க்கென தனி மார்க்கெட் இருக்கிறது. அதற்காக காசை வீணாக விரயமாக்கலாமா என்ற புலம்பல் கேட்கிறது.
