ரிலீஸை நெருங்கிய விஜய் தேவரகொண்டாவின் ‘கிங்டம்’… வெளியான டிரைலர் ரிலீஸ் அப்டேட்!

தெலுங்கு சினிமாவின் முன்னணி நடிகர்களில் ஒருவராக வளர்ந்து வருகிறார் விஜய் தேவரகொண்டா. அவரின் சமீபத்தைய படங்கள் பெரிதாகக் கவனம் ஈர்க்கவில்லை என்றாலும் அவருக்கென்று ஒரு நிலையான மார்க்கெட்டை உருவாக்கி வைத்துள்ளார்.

தெலுங்கில் நானியை வைத்து ஜெர்சி உள்ளிட்ட வெற்றிப் படங்களை இயக்கியவர் கௌதம் தின்னனுரி. ஜெர்சி, மல்லி ராவாவை தொடர்ந்து தற்போது இவர் இயக்கியுள்ள படம் ‘கிங்டம்’. இதில் விஜய் தேவரகொண்டா நாயகனாக நடித்துள்ளார். இந்த படத்திற்காக கடுமையாக உழைத்துள்ள விஜய் தேவரகொண்டா சிக்ஸ் பேக் வைத்து நடித்துள்ளார். இந்த படத்திற்கு அனிருத் இசையமைத்துள்ளார். இந்த படம் பல தாமதங்களுக்குப் பிறகு ஆகஸ்ட் 1 ஆம் தேதி ரிலீஸாகவுள்ளது.

ரிலீஸுக்கு இன்னும் 8 நாட்களே உள்ள நிலையில் இதுவரை படத்தின் டிரைலர் ரிலீஸாகவில்லை. இந்நிலையில் வரும் ஜூலை 26 ஆம் தேதி படத்தின் டிரைலர் ரிலீஸ நிகழ்ச்சி திருப்பதியில் நடக்கும் என படக்குழு அறிவித்துள்ளது.