ஒரு வழியாக தொடங்கிய விடுதலை ஷூட்டிங்… ரிலீஸ் பற்றி வெளியான தகவல்!

வெற்றிமாறன் இயக்கத்தில் உருவாகி வரும் விடுதலைப் படத்தின் கடைசி கட்ட ஷூட்டிங் தற்போது தொடங்கியுள்ளது.

தனுஷுடனான அசுரன் படத்தின் வெற்றியை தொடர்ந்து இயக்குனர் வெற்றிமாறன் இயக்கி வரும் திரைப்படம் “விடுதலை”. இந்த படத்தின் மூலமாக காமெடி நடிகர் சூரி முதன்முறையாக கதாநாயகனாக நடிக்கிறார். இந்த படத்தில் முக்கியமான கதாப்பாத்திரத்தில் விஜய் சேதுபதி நடிக்கிறார். மற்றுமொரு கதாபாத்திரத்தில் இயக்குனரும் நடிகருமான கௌதம் மேனன் நடிக்கிறார். மேலும் மற்ற முக்கியக் கதாபாத்திரங்களில் கௌதம் மேனன், பிரகாஷ் ராஜ் ஆகியோர் நடிக்கின்றனர்.

கடந்த ஆண்டே தொடங்கப்பட்ட இந்த படத்தை முதலில் சிறு பட்ஜெட்டில் குறுகிய காலத்தில் எடுத்து முடிப்பதாகவே திட்டமிடப்பட்டது. ஆனால் படத்தில் விஜய் சேதுபதி இணைந்ததும் படத்தின் பட்ஜெட் அதிகமாகி ஏராளமான நட்சத்திரங்களை நடிக்க வைத்தனர். ஆனால் அனைவரும் பிஸியான நடிகர்களாக இருப்பதால், அவர்களின் தேதிகளைப் பெறுவதில் சிக்கல் எழுந்துள்ளது. இதனால் இப்போது வரை 60 சதவீதம் படப்பிடிப்பு மட்டுமே முடிந்துள்ளதாம்.

இந்நிலையில் தற்போது கடைசி கட்ட ஷூட்டிங் தொடங்கியுள்ளதாக தகவல் வெளியாகியுள்ளது. மொத்தமாக ஒரே கட்டமாக நடக்க உள்ள இந்த படப்பிடிப்போடு மொத்த படப்பிடிப்பும் முடியும் என சொல்லப்படுகிறது. மேலும் இந்த ஆண்டு இறுதியில் ரிலீஸ் செய்யவும் திட்டமிட்டு வருவதாக சொல்லப்படுகிறது.