விஜய்க்கு மீண்டும் வில்லனாகிறாரா வித்யுத் ஜமால்? ரசிகர்கள் உற்சாகம்!

துப்பாக்கி படத்தில் விஜய்க்கு வில்லனாக நடித்த வித்யுத் ஜமால் மீண்டும் தளபதி 65 ல் வில்லனாக நடிக்க உள்ளதாக சொல்லப்படுகிறது.

மாஸ்டர் படத்தின் வெற்றிக்குப் பிறகு இப்போது அதிக எதிர்பார்ப்பை ஏற்படுத்தியுள்ள படமாக தளபதி 65 இருக்கிறது. இந்த படத்துக்கான கதாநாயகிகள் தேர்வு மற்றும் மற்ற தொழில்நுட்பக் கலைஞர்கள் தேர்வு எல்லாம் இப்போது நடந்து கொண்டிருக்கிறது. யோகி பாபு முக்கியக் கதாபாத்திரத்தில் நடிக்க உள்ளதாக சொல்லப்படுகிறது. இந்நிலையில் படத்தின் படப்பிடிப்பு சென்னையில் சில சேஸிங் காட்சிகள் மட்டும் வெளிநாடுகளிலும் எடுக்கப்பட உள்ளதாக சொல்லப்படுகிறது. படப்பிடிப்பை ஏப்ரல் 15 ஆம் தேதிக்கு மேல் நெல்சன் தொடங்க உள்ளதாக சொல்லப்படுகிறது.

இந்நிலையில் இந்த படத்தில் விஜய்க்கு வில்லனாக துப்பாக்கி பட வில்லன் வித்யுத் ஜமால் நடிக்க பேச்சுவார்த்தை நடப்பதாக சொல்லப்படுகிறது. விஜய்க்கும் வித்யுத்துக்கும் இடையிலானக் காட்சிகள் துப்பாகி படத்தில் பெரிதும் பேசப்பட்டன என்பது குறிப்பிடத்தக்கது.