வீர தீர சூரன் அந்த ஹாலிவுட் இயக்குனரின் படம் போல இருக்கும் –எஸ் ஜே சூர்யா அப்டேட்!

விக்ரம் நடிப்பில் கடந்த ஆண்டு தங்கலான் திரைப்படம் நல்ல கவனத்தைப் பெற்றது. அதையடுத்து இப்போது சித்தா படத்தின் இயக்குனர் அருண் குமார் இயக்கத்தில் உருவாகும் ‘வீர தீர சூரன்’ படத்தில் நடித்துள்ளார். இந்த படத்தில் மற்ற முக்கிய வேடங்களில் எஸ் ஜே சூர்யா, சுராஜ் வெஞ்சரமூடு மற்றும் துஷாரா ஆகியோர் நடித்துள்ளனர்.

இந்த படத்தின் ஷூட்டிங் விறுவிறுப்பாக நடந்து முடிந்ததை அடுத்து தற்போது பின் தயாரிப்புப் பணிகள் நடந்து வருகின்றன. வீர தீர சூரன் படத்தின் இரண்டாம் பாகம் முதலில் வெளியாகும் எனவும் பின்னர் முதல் பாகம் வெளியாகும் எனவும் அறிவிக்கப்பட்டுள்ளது. ஏற்கனவே படத்தின் ஷூட்டிங் முடிந்து போஸ்ட் புரொடக்‌ஷன் பணிகள் நடந்து  வருகின்றன. படம் மார்ச் 27 ஆம் தேதி ரிலீஸாகிறது.

இந்நிலையில் படத்தில் முக்கிய வேடத்தில் நடித்துள்ள எஸ் ஜே சூர்யா, படம் பற்றி பேசும்போது “இயக்குனர் அருண் குமார் ஹாலிவுட் இயக்குனர் மார்ட்டின் ஸ்கார்சேசியின் தீவிர ரசிகர். இந்த படம் மார்ட்டின் ஸ்கார்ஸேசி ஒரு கிராமத்தில் நிகழ்கிற மாதிரி ஒரு படத்தை எடுத்தால் எப்படி இருக்குமோ, அப்படி இருக்கும்” எனக் கூறியுள்ளார்.