சில ஆண்டுகளுக்கு முன்னர் வெளியான 96 திரைப்படம் மிகப்பெரிய வெற்றி பெற்றது. அந்த படத்தில் நடிகை வர்ஷா பொல்லம்மா ஒரு முக்கியமான கதாபாத்திரத்தில் நடித்துள்ளார். அதன் மூலம் தமிழ் சினிமா ரசிகர்களிடம் அவர் பிரபலமானார். ஆனால் தமிழை விட தெலுங்கிலேயே அவர் இப்போது அதிக படங்களில் நடித்து வருகிறார்.
இந்நிலையில் வர்ஷா தெலுங்கு தயாரிப்பாளரின் மகன் ஒருவரை காதலிப்பதாகவும், அவரை விரைவில் திருமணம் செய்ய உள்ளதாகவும் கிசுகிசுக்கள் பரவின. இந்த வதந்திகளுக்கு இப்போது பதிலளித்துள்ள வர்ஷா “எனக்கான மாப்பிள்ளையை நீங்களே தேர்வு செய்ததற்கு நன்றி. அவர் யாரென்று சொன்னால், வீட்டில் சொல்லி பேச வசதியாக இருக்கும்” எனக் கிண்டல் செய்யும் விதமாக பதிலளித்துள்ளார்.