வாரிசு படத்தின் தெலுங்கு பதிப்பு வாரசுடு ஜனவரி 14 ஆம் தேதி வெளியானது.
ஜனவரி 11 ஆம் தேதி தமிழ்நாட்டில் ரிலீஸ் ஆன வாரிசு திரைப்படம் கலவையான விமர்சனங்களைப் பெற்றது. அதையடுத்து ஜனவரி 14 ஆம் தேதி தெலுங்கிலும் வெளியாகியுள்ளது. உலகம் முழுவதும் பொங்கல் விடுமுறையை முன்னிட்டு ஓடிவரும் வாரிசு திரைப்படத்தின் சக்ஸஸ் மீட் நிகழ்ச்சியை சமீபத்தில் நடத்தியுள்ளனர்.
தெலுங்கில் வாரசுடு திரைப்படம் பெரியளவில் வசூல் செய்யும் என நம்பிக்கையாக இருந்தாராம் தில் ராஜு. ஆனால் அவர் கணிப்பு பொய்த்து போகும் விதமாக முதல் மூன்று நாட்களில் சுமார் 8 கோடி ரூபாய் அளவுக்கே வசூல் செய்துள்ளதாக தகவல்கள் வெளியாகியுள்ளன. இனிவரும் நாட்களில் இந்த படத்தின் வசூல் மேலும் குறையும் என எதிர்பார்க்கப்படுகிறது.