அடுத்தடுத்த நாளில் வெளியாகும் அஜித், அல்லு அர்ஜூன் படங்கள்!
தல அஜித் நடித்து வரும் வலிமை படத்தின் இறுதிகட்ட படப்பிடிப்பு விரைவில் நடைபெற உள்ளது என்பதும் இந்த படப்பிடிப்பு முடிந்தவுடன் படத்தின் போஸ்ட் புரொடக்ஷன் பணிகளை முடித்து ரிலீஸ் செய்ய வேண்டி தான் பாக்கி என்பதும் தெரிந்ததே
ஏற்கனவே படக்குழுவினர் ஆகஸ்ட் 12-ஆம் தேதி இந்த படத்தை வெளியிட திட்டமிட்டு உள்ளனர் என்பது குறிப்பிடத்தக்கது. இதுகுறித்து அதிகாரப்பூர்வ அறிவிப்பு விரைவில் வரும் என்று எதிர்பார்க்கப்படுகிறது
இந்த நிலையில் அல்லு அர்ஜுன் நடித்து வரும் புஷ்பா என்ற திரைப்படமும் கிட்டத்தட்ட அதே நாளில் வெளியாக இருப்பதாக தகவல்கள் வெளிவந்துள்ளன. புஷ்பா திரைப்படத்தை ஆகஸ்ட் 13-ஆம் தேதி வெளியிட படக்குழுவினர் முடிவு செய்திருப்பதாகவும் இது குறித்த அறிவிப்பும் சமீபத்தில் வெளியானது என்பது குறிப்பிடத்தக்கது
அஜித்தின் வலிமை திரைப்படம் தெலுங்கிலும் வெளியாக திட்டமிட்டிருக்கும் நிலையில் தெலுங்கு மாநிலங்களில் அல்லு அர்ஜுன் படம் ரிலீஸ் ஆவதால் போதுமான திரையரங்குகள் கிடைக்குமா என்பதை பொறுத்திருந்துதான் பார்க்க வேண்டும்