சிம்புவுக்கு தமிழ் ரத்தம் கொடுத்த வைரமுத்து

சிம்பு நடித்து வரும் 'அன்பானவன் அசராதவன் அடங்காதவன்' படத்தின் படப்பிடிப்பு விறுவிறுப்புடன் நடந்து வருகிறது. மூன்று வேடமா அல்லது நான்கு வேடமா என்று படக்குழுவினர் தெளிவாக கூறாத நிலையில் இந்த படம் இரண்டு பாகங்கள் என்பது மட்டும் தற்போது தெரிகிறது.

இந்த நிலையில் இந்த படத்தின் முதல்பாக வசன காட்சிகளின் படப்பிடிப்புகள் முடிவடைந்துவிட்ட நிலையில் தற்போது பாடல் காட்சிகளின் படப்பிடிப்புகள் நடந்து வருகிறது. சிம்புவுக்காக வைரமுத்து எழுதிய 'ரத்தம் என் ரத்தம்' என்ற பாடலின் படப்பிடிப்பு இன்று தொடங்கியுள்ளது.

ரத்தம் என்ற ஒரே ஒரு தமிழ் வார்த்தையை வைத்து வைரமுத்து புகுந்து விளையாடியுள்ள இந்த பாடலை சிம்பு ரொம்பவே ரசித்தாராம். இந்த பாடல் திரையில் தோன்றும்போது வேற லெவலில் இருக்கும் என்று அவர் படக்குழுவினர்களிடம் மனசார கூறியதாகவும் தகவல்கள் வெளிவந்துள்ளது.