இயக்குனர் மாரி செல்வராஜ் இயக்கியுள்ள மாமன்னன் திரைப்படம் வெளியாகி வெற்றிகரமாக ஓடிக்கொண்டிருக்கிறது. படம் வெளியாகி 9 நாட்களில் 52 கோடி ரூபாய் வசூலித்துள்ளதாக படக்குழுவினரே அறிவித்துள்ளனர்.
இந்நிலையில் மாமன்னன் திரைப்படத்தின் சக்ஸஸ் மீட் சமீபத்தில் சென்னையில் நடந்தது. அதில் படக்குழுவினர் அனைவரும் கலந்துகொண்டனர். அப்போது பேசிய இயக்குனர் மாரி செல்வராஜ் “நான் பல முறை தற்கொலை செய்துகொள்ளும் முடிவை எடுத்துள்ளேன். அப்படி நான் ஒருமுறை தற்கொலை எண்ணத்தில் இருந்த போது என்னைக் காப்பாற்றியது வடிவேலு சாரின் காமெடிதான்.” என மேடையில் நெகிழ்ச்சியாக பேசியுள்ளார்.
மாமன்னன் திரைப்படத்தில் வடிவேலுவின் கதாபாத்திரம் பாராட்டுகளைப் பெற்றுவரும் நிலையில் மீண்டும் ஒருமுறை வடிவேலுவும் மாரி செல்வராஜும் லைஃப் ஈஸ் பியூட்டிபுல் படத்தின் ரீமேக்கில் இணைய வாய்ப்புள்ளதாக சொல்லப்படுகிறது.