உதயநிதி ஸ்டாலின் நடித்துள்ள படத்துக்கு யு/ஏ சான்றிதழ் கிடைத்துள்ளது.
கெளரவ் நாராயண் இயக்கத்தில் உதயநிதி ஸ்டாலின் நடித்துள்ள படம் ‘இப்படை வெல்லும்’. மஞ்சிமா மோகன், ஹீரோயினாக நடித்துள்ளார்.
லைகா நிறுவனம் இந்தப் படத்தைத் தயாரித்துள்ளது. சாஃப்ட்வேட் சம்பந்தப்பட்ட கதையைக் களமாகக் கொண்டுள்ள இந்தப் படத்தில், சாஃப்ட்வேர் இன்ஜினீயராக நடித்துள்ளார் உதயநிதி ஸ்டாலின்.
படம் தயாராகி பல மாதங்கள் ஆகியும், சரியான ரிலீஸ் தேதி கிடைக்கவில்லை. இந்த மாத இறுதியில் அல்லது அடுத்த மாத தொடக்கத்தில் படத்தை ரிலீஸ் செய்ய முடிவெடுத்துள்ளனர்.
படத்தைப் பார்த்த சென்சார் அதிகாரிகள், படத்துக்கு எந்த கட்டும் கொடுக்கவில்லை. ஆனால், யு/ஏ சான்றிதழ் கொடுத்துள்ளனர். வரிவிலக்கு கிடையாது என்பதால், படத்தை மறு தணிக்கைக்கு அனுப்பவில்லையாம்.