சூப்பர் ஸ்டார் ரஜினிகாந்த் அனேகமாக ஜூலை மாதம் தனது புதிய கட்சி குறித்த அறிவிப்பை வெளியிடுவார் என்று கூறப்படுகிறது. அவருக்கு திரையுலகினர் பெரும் ஆதரவை தருவார்கள் என்று எதிர்பார்க்கப்படுகிறது.
பல திரையுலக பிரபலங்கள் ரஜினிக்கு ஆதரவு தெரிவித்து வரும் நிலையில் நேற்று த்ரிஷாவிடம் ரஜினியின் அரசியல் பிரவேசம் குறித்து கருத்து கேட்டனர். அதற்கு பதிலளித்த த்ரிஷா, 'ரஜினியின் அரசியல் பிரவேசம் குறித்து கருத்து சொல்ல விரும்பவில்லை' என்று கூறி ஒதுங்கி கொண்டார்.
அதேபோல் ரஜினியுடன் நினைத்தாலே இனிக்கும்' என்ற படத்தில் நடித்த பிரபல நடிகையும் அரசியல்வாதியுமான ஜெயப்ரதா ரஜினியின் அரசியல் குறித்து கூறியபோது, ' ரஜினிகாந்த் உயர்ந்த நிலையில் இருந்தாலும் எளிமையாக இருப்பவர். அவரால் அரசியலிலும் வெற்றி பெற முடியும். ஆனால், நடிகர் சிரஞ்சீவி புதிய கட்சியை தொடங்கிவிட்டு பின்வாங்கியது போல ஆகிவிடக்கூடாது' என்று கூறியுள்ளார்.