துணிவு படத்தின் தெலுங்கு ரிலீஸ்… வெளியான அதிகாரப்பூர்வ தகவல்!

துணிவு படத்தை தெலுங்கில் ரிலீஸ் செய்யும் விநியோகஸ்தர்கள் பற்றிய அறிவிப்பு வெளியாகியுள்ளது.

இந்நிலையில் இப்போது துணிவு படத்தை வாங்கியுள்ள ரெட் ஜெயண்ட் மூவிஸ் நிறுவனம், தியேட்டர்களை ஒப்பந்தம் செய்யும் பணிகளை ஆரம்பித்துள்ளது. புறநகர் பகுதிகளில் கூட பல திரையரங்குகள் பொங்கலுக்கு தங்கள் தியேட்டரில் துணிவு ரிலீஸ் ஆவதை உறுதி செய்துள்ளனர். ஆனால் வாரிசு படத்துக்கான திரையரங்கு ஒப்பந்த வேலைகள் இன்னும் தொடங்கப்படவில்லை என்று சொல்லப்படுகிறது.

இந்நிலையில்தான் ஒட்டுமொத்த வெளிநாட்டு ரிலீஸ் உரிமையையும் லைகா நிறுவனம் கைப்பற்றியுள்ளது. இந்நிலையில் இப்போது வெளிநாடுகளில் அதிகளவில் திரையரங்குகள் முன்பதிவு செய்யும் வேலையை லைகா நிறுவனம் சைலண்ட் ஆக தொடங்கியுள்ளதாம். இதனால் வெளிநாடுகளில் துணிவு திரைப்படம் அதிக எண்ணிக்கையிலான திரையரங்குகளில் ரிலீஸ் ஆகும் என எதிர்பார்க்கப்படுகிறது.

இந்நிலையில் பிறமொழி படங்களுக்கு தெலுங்கு ரிலீஸில் பின்னடைவு ஏற்பட்டுள்ளதாக என சொல்லப்படும் நிலையில், இப்போது துணிவு படத்தின் தெலுங்கு ரிலீஸ் உரிமையை முன்னணி நிறுவனங்கள் கைப்பற்றியுள்ளன. IVY புரொடக்‌ஷன்ஸ் மற்றும் ராதாகிருஷ்ணா எண்டர்டெயின்மெண்ட்ஸ் ஆகிய நிறுவனங்கள் கைப்பற்றியுள்ளதாக அறிவிக்கப்பட்டுள்ளது.