விஜய் நடிக்கும் The GOAT திரைப்படத்தின் புதிய போஸ்டர் ரிலீஸ்!

விஜய், தற்போது இயக்குனர் வெங்கட் பிரபு இயக்கத்தில் The Greatest Of All Time என்ற படத்தில் நடித்து வருகிறார். இந்த படத்தில் அவரோடு பிரசாந்த், பிரபுதேவா, மீனாட்சி சௌத்ரி, ஜெயராம் மற்றும் மோகன் ஆகியோர் நடிக்கின்றனர். யுவன் ஷங்கர் ராஜா இசையமைக்க, சித்தார்த்தா நுனி ஒளிப்பதிவு செய்து வருகிறார். படத்தை ஏஜிஎஸ் நிறுவனம் தயாரித்து வருகிறது.

இந்த படத்தின்  ஷூட்டிங் சென்னை மற்றும் தாய்லாந்து ஆகிய இடங்களில் நடந்தது. தற்போது ஐதராபாத்தில் முக்கியமானக் காட்சிகளை படமாக்கி வருகிறார் இயக்குனர் வெங்கட் பிரபு. இப்போது சென்னை கோவளம் பகுதியில் முக்கியமானக் காட்சிகள் படமாக்கப்பட்டு வருகின்றன.

இந்நிலையில் இன்று பொங்கல் பண்டிகையை முன்னிட்டு படத்தின் புதிய போஸ்டர் வெளியிட்டுள்ளனர். இதில் விஜய்யுடன், பிரபுதேவா, பிரஷாந்த் மற்றும் அஜ்மல் ஆகியோர் ராணுவ உடையில் இருப்பது போல போஸ்டர் வடிவமைக்கப்பட்டுள்ளது.