டார்ஜான் பட நாயகன் ஜோ லாரா உயிரிழந்தார்: விமான விபத்து என தகவல்!
டார்ஜான் உள்ளிட்ட பல ஹாலிவுட் திரைப்படங்களில் நடித்த நடிகர் ஜோ லாரா விமான விபத்தில் உயிரிழந்ததாக வெளிவந்திருக்கும் தகவல் ரசிகர்களுக்கு பேரதிர்ச்சியாக உள்ளது. டார்ஜான் படம் என்றாலே அனைவருக்கும் ஜோ லாரா முகம் தான் ஞாபகம் வரும். அந்த அளவுக்கு அவர் அந்த கேரக்டரில் ஒன்றி நடித்திருப்பார். அவருடைய நடிப்பு உலகம் முழுவதும் கோடிக்கணக்கானவர்களை கவர்ந்தது என்பதும் டார்ஜான் என்றால் ஜோ லாரா தான் என்று ரசிகர்கள் கூறி வந்தனர் என்பதும் குறிப்பிடத்தக்கது
இந்த நிலையில் அமெரிக்காவின் நாஷ்வில்லி என்ற பகுதியில் நடந்த விமான விபத்தில் டார்ஜான் நாயகன் ஜோ லாரா உயிரிழந்ததாகவும் அவருடன் அவருடைய மனைவி மற்றும் ஏழு பேர் உயிரிழந்ததாகவும் தகவல்கள் வெளிவந்துள்ளன. டார்ஜான் நாயகன் ஜோ லாரா சென்ற விமானம் ஏரியில் விழுந்து விபத்துக்குள்ளானதாக கூறப்படுகிறது