பாலிவுட்டில் ரீமேக் ஆகும் திருட்டுப் பயலே 2…. வெளியான அறிவிப்பு!

சுசி கணேசன் இயக்கத்தில் வெளியான ‘திருட்டுப் பயலே 2’ படம் இந்தியில் ரீமேக் செய்யப்பட இருக்கிறது.

சுசி கணேசன் இயக்கத்தில் 2017 ஆம் வருடம் ரிலீஸான படம் ‘திருட்டுப் பயலே 2’. இந்தப் படத்தில் பாபி சிம்ஹா, பிரசன்னா, அமலா பால் உள்ளிட்ட பலர் நடித்திருந்தனர். வித்யாசாகர் இசையமைத்த இந்தப் படத்தை, ஏஜிஎஸ் நிறுவனம் தயாரித்திருந்தது. இந்தப் படத்தின் முதல் பாகத்தின் மூலம்தான் ஏஜிஎஸ் நிறுவனம் தயாரிப்பில் காலடி எடுத்து வைத்தது குறிப்பிடத்தக்கது.

இந்த படம் முதல் பாகம் அளவுக்கு வெற்றிப் பெறவில்லை என்றாலும் சுமாராக ஓடியது. இந்நிலையில் இந்த படத்தை இப்போது இந்தியில் ரீமேக் செய்கிறார் சுசி கணேசன். இந்த படத்தின் அறிவிப்பு இப்போது வெளியாகியுள்ள நிலையில் தில் ஹை க்ரே என்று பெயர் வைக்கப்பட்டுள்ளது.