சூர்யா 43 படத்தின் பாடல் அப்டேட்டைக் கொடுத்த ஜி வி பிரகாஷ்!

நடிகர் சூர்யா தற்போது சிறுத்தை சிவா இயக்கும் கங்குவா படத்தில் நடித்து வருகிறார். இந்த படத்தின் பெரும்பாலான ஷூட்டிங் முடிவடைந்துள்ள நிலையில்  விரைவில் அவர் சுதா கொங்கரா இயக்கத்தில் ஒரு படத்தில் நடிக்க உள்ளார். இந்த படத்தையும் சூர்யாவின் 2டி எண்டர்டெயின்மெண்ட் நிறுவனமே தயாரிக்க உள்ளது.

இந்த படத்தின் டைட்டில் ப்ரமோஷன் வீடியோ கடந்த மாதம் வெளியாகி கவனம் பெற்றது. படத்தின் ப்ரமோஷன் வீடியோவில் புறநானூறு என்ற டைட்டில் இடம்பெற்றிருந்தது. இந்த படத்தில் துல்கர் சல்மான் மற்றும் நஸ்ரியா ஆகிய இருவரும் நடிக்க உள்ளனர். டிசம்பர் நான்காவது வாரத்தில் இந்த படத்தின் ஷூட்டிங் தொடங்க உள்ளதாக சொல்லப்படுகிறது.

இந்நிலையில் இந்த படத்தின் முதல் பாடலை சமீபத்தில் ரெக்கார்ட் செய்துள்ளார் ஜி வி பிரகாஷ். இந்த பாடலை பாடகி தீ பாடியுள்ளார். இயக்குனர் சுதா கொங்கரா, தீ மற்றும் ஜி வி பிரகாஷ் ஆகிய மூவரும் இருக்கும் புகைப்படத்தை அவர் பகிர அந்த புகைப்படம் வைரலாகி வருகிறது.