விரைவில் 23ஆம் புலிகேசி இரண்டாம் பாகம்; ட்வீட்டிய இயக்குநர் ஷங்கர்!

இம்சை அரசன் 23 ஆம் புலிகேசி இரண்டாம் பாகம் பற்றிய அறிவிப்பினை இயக்குனர் ஷங்கர் அறிவித்துள்ளார். விரைவில் புலிகேசி 2 விரைவில் என்று தனது ட்விட்டர் பக்கத்தில் வெளியீட்டுள்ளார்.

மிகப் பெரிய அளவில் வெற்றிபெற்ற படம் இம்சை அரசன் 23 ஆம் புலிகேசி. 11 ஆண்டுகளுக்கு முன்னர் ஷங்கரின் எஸ் பிக்சர்ஸ் சார்பில் இயக்குநர் சிம்புதேவன் இயக்கத்தில் வைகை புயல் வடிவேலு இரட்டை வேடத்தில் நடித்த படம் இம்சை  அரசன் 23 ஆம் புலிகேசி படத்தின் இரண்டாம் பாகம் விரைவில் ஆரம்பிக்கப்படவுள்ளதாக ஷங்கர் தெரிவித்துள்ளார்.

23 ஆம் புலிகேசி படத்தின் இரண்டாம் பாகமான "பட்டணத்தில் 23 ஆம் புலிகேசி" படத்தின் கதையைச் வடிவேலுவிடம் சொல்லி  இருக்கிறார் சிம்புதேவன். இதற்கு வடிவேலுவும் ஓகே சொல்லிவிட்டாராம் என்பது கூடுதல் தகவல்.