அண்ணன் படம் தவிர வேறு படங்களில் பிரேம்ஜி அதிகமாக நடிப்பதில்லை.
யாரும் அழைத்தால்தானே நடிப்பதற்கு? அப்படியே மாங்கா மாதிரி சில படங்களில் நடித்தாலும், தயாரிப்பாளர் நிலைமை கஷ்டமாகிவிடும்.
இந்த சரித்திர உண்மை குறித்து கவலைப்படும் ஆளில்லை, அறிமுக இயக்குனர் அரவிந்த் ஸ்ரீதர். அவர் இயக்கும் சிம்பா படத்தில் பிரேம்ஜி நடிக்கிறார். அதுவும் கற்பனை நாயாக.
சிம்பா படத்தின் கதை, போதை ஆசாமி ஒருவர் கதை சொல்வது போல் உருவாக்கப்பட்டுள்ளது. போதை ஆசாமியாக பரத் நடிக்கிறார்.
அவர் சதா பேசிக் கொண்டிருக்கும் கற்பனை நாய் கதாபாத்திரத்தில் பிரேம்ஜி வருகிறார். சூது கவ்வும் படத்தில் விஜய் சேதுபதியின் கற்பனையில் வரும் சஞ்சிதாவைப் போல்.
நாய் போன்ற உடைதான் படத்தில் ராம்ஜியின் காஸ்ட்யூம்.