டிவிட்டரில் ஜவான் பட அப்டேட்களை அள்ளித் தெளித்த ஷாருக் கான்!

பாலிவுட்  சூப்பர் ஸ்டார் நடிகர்களில் ஒருவரான ஷாருக்கான் நடிப்பில் தமிழ் இயக்குனர் அட்லி இயக்கும் ஜவான் திரைப்படத்தின் ஷூட்டிங் முடிந்து பின் தயாரிப்புப் பணிகள் நடந்து வருகின்றன. இந்த படத்தில் தமிழ் நடிகர்களான விஜய் சேதுபதி, நயன்தாரா மற்றும் யோகி பாபு ஆகியோர் நடித்துள்ளனர்.

முதலில் ஜூன் மாதம் அறிவிக்கப்பட்டு இருந்த ஜவான் ரிலீஸ் இப்போது செப்டம்பர் 7 ஆம் தேதிக்கு தள்ளி வைக்கப்பட்டுள்ளது. இந்நிலையில் தற்போது ஷாருக்கான் ஜவான் பட அப்டேட்களைக் கொடுத்துள்ளார். டிவிட்டரில் ரசிகர்களோடு நேரடியாக உரையாடலில் ஈடுபட்ட ஷாருக் ரசிகர்களின் கேள்விகளுக்கு பதிலளித்தார்.

அதில் ஜவான் படம் பற்றிய கேள்விகளுக்கு பதிலாக “இன்று மாலை ஜவான் படத்தை அட்லியோடு இணைந்து பார்க்கலாம் என இருக்கிறேன்.” என ஒரு ரசிகருக்குக் கூறியுள்ளார். மற்றொரு ரசிகர் ”ஜவான், டங்கி ஆகிய இரு படங்களில் எது கடினமானதாக இருந்தது “ என்ற கேள்விக்கு “ஜவான் படத்தில் நிறைய ஆக்‌ஷன் காட்சிகள் உள்ளன” எனக் கூறியுள்ளார்.