மகேஷ்பாபு மற்றும் கீர்த்தி சுரேஷ் நடிப்பில் உருவாகியுள்ள சர்காரு வாரிபட்டா படத்தின் ரிலீஸ் ஜனவரி மாதம் திட்டமிடப்பட்டது.
மகேஷ்பாபு மற்றும் கீர்த்தி சுரேஷ் நடிப்பில் சர்காரு வாரிபட்டா என்ற படம் இப்போது உருவாகி வருகிறது. இந்த படத்தின் முதல் லுக் போஸ்டர் சில மாதங்களுக்கு முன்னர் வெளியாகியது. இந்த படத்தின் டீசர் இணையத்தில் சில வாரங்களுக்கு முன்னர் வெளியாகி கவனத்தைப் பெற்றது.
படத்தின் ரிலிஸ் ஜனவரி மாதம் 23 ஆம் தேதி என முடிவு செய்யப்பட்டு பணிகள் நடந்தன. ஆனால் ஜனவரி மாதம் தெலுங்கில் பல பிரம்மாண்டமான பட்ஜெட் படங்கள் ரிலீஸாக உள்ளதால் சர்காரு வாரிபட்டா படத்தின் ரிலீஸை ஏப்ரல் 1 ஆம் தேதிக்கு மாற்றியுள்ளதாக படக்குழு முன்பு அறிவித்திருந்தது. இந்நிலையில் இப்போது மறுபடியும் ஒரு மாதம் தள்ளிவைக்கப்பட்டு மே 12 ஆம் தேதி ரிலீஸ் ஆகும் என படக்குழு அறிவித்துள்ளது.
இந்நிலையில் தற்போது இந்த படத்தின் டிரைலர் ரிலீஸ் தேதி பற்றிய விவரங்கள் வெளியாகியுள்ளன. மே 2 ஆம் தேதி இதன் டிரைலர் வெளியாகும் என சொல்லப்படுகிறது. மகேஷ் பாபு நடிப்பில் படம் ரிலீஸாகி கிட்டத்தட்ட இரண்டரை ஆண்டுகளுக்கு மேல் ஆகிவிட்ட நிலையில் பயங்கர எதிர்பார்ப்புகளோடு இந்த படம் ரிலீஸாகிறது.