சஞ்சய் & சந்தீப் இணையும் படத்தின் ஷூட்டிங் எப்போது?.. வெளியான தகவல்!

தமிழ் சினிமாவின் சூப்பர் ஸ்டார் நடிகர்களில் ஒருவர் விஜய். இவரது மகன் சஞ்சய். இவர் கனடாவில் சினிமா சம்பந்தமாக படிப்பு படித்து வந்த  நிலையில், குறும்படம் ஒன்றை இயக்கியிருந்தார். இவர் லைகா புரொடக்‌ஷன்ஸ் நிறுவனத்துக்காக ஒரு படத்தை இயக்க ஒப்பந்தம் ஆகியுள்ளார்.

இந்நிலையில் கடந்த சில சில மாதங்களுக்கு முன்னர் இந்த படத்தின் பூஜை சென்னையில் ரகசியமாக நடந்துள்ளதாக சொல்லப்படுகிறது. இந்த பூஜையில் சஞ்சய்யின் தந்தை விஜய் கூட கலந்துகொள்ளவில்லை. அதன் பின்னர் பல மாதங்கள் கழித்து இப்போது அந்த படத்தின் அதிகாரப்பூர்வ அறிவிப்பு வெளியாகியுள்ளது.

அந்த படத்தில் சந்தீப் கிஷன் கதாநாயகன் ஆக நடிக்க, தமன் இசையமைக்கிறார். மற்ற தொழில்நுட்பக் கலைஞர்கள் தேடும் படலம் நடந்து வருகிறது. இந்நிலையில் இந்த படத்தின் ஷூட்டிங் அடுத்த ஆண்டு பிப்ரவரி மாதம்தான் தொடங்க உள்ளதாக சொல்லப்படுகிறது. அதற்கு முன்னர் டிசம்பர் மாதத்தில் ஒரு டெஸ்ட் ஷூட் நடக்கவுள்ளதாக தகவல்கள் வெளியாகியுள்ளன.