விஜயுடன் ஓவர்… சிவகார்த்திகேயனுடன் ரொமான்ஸில் சமந்தா

சிவகார்த்திகேயனும், சமந்தாவும் நடிக்கும் காட்சிகள் இன்றுமுதல் படமாக்கப்பட்டு வருகின்றன.

அட்லீ இயக்கத்தில் ‘மெர்சல்’ படத்தில் விஜய்க்கு ஜோடியாக நடித்து வந்தார் சமந்தா. மதுரை மற்றும் சென்னையில் இதன் படப்பிடிப்பு நடந்து வந்தது. அந்தப் படத்தில் தன்னுடைய போர்ஷனை முடித்துக் கொடுத்துவிட்ட சமந்தா, சிவகார்த்திகேயன் ஜோடியாக நடிக்க தென்காசி சென்றுள்ளார். சிவா – சமந்தா இணைந்து நடிக்கும் காட்சிகள், இன்று முதல் படமாக்கப்பட்டு வருகின்றன.

இன்னும் தலைப்பு வைக்காத இந்தப் படத்தை, பொன்ராம் இயக்குகிறார். சமீப காலமாக சிட்டி கேர்ளாக நடித்துவந்த சமந்தா, இந்தப் படத்தில் கிராமத்துப் பெண்ணாக நடித்துள்ளார். 24 ஏ.எம். ஸ்டுடியோஸ் நிறுவனம் தயாரிக்கும் இந்தப் படத்துக்கு, டி.இமான் இசையமைக்கிறார்.