லட்சுமி மூவி மேக்கர்ஸ் நீண்ட இடைவெளிக்குப் பிறகு தயாரித்த படம், சகலகலா வல்லவன். இந்தப் படத்துக்கு முதலில் அப்பாடக்கர் என்றுதான் பெயர் வைத்திருந்தனர். படத்தின் பெயர் காரணமாக 30 சதவீத வரிச்சலுகையை இழக்க வேண்டி வருமோ என அப்பாடக்கர் என்பதை சகலகலா வல்லவன் என மாற்றினர்.
ஜெயம் ரவி, த்ரிஷா, அஞ்சலி, சூரி நடித்துள்ள இந்தப் படத்தை சுராஜ் இயக்கியுள்ளார். படம் முடிந்து தணிக்கைக்குழு உறுப்பினர்களுக்கு திரையிட்டு காண்பிக்கப்பட்டது. படத்தைப் பார்த்தவர்கள் அனைவரும் பார்க்கத் தகுந்த யூ சான்றிதழ் அளித்தனர்.
30 சதவீத வரிச்சலுகை உத்தரவாதம் என்பதால் ஜுலை 31 -ஆம் தேதியே படத்தை வெளியிட முடிவு செய்துள்ளனர்.
