நடிகை சாய் பல்லவி பிரேமம் மலையாள படத்தின் மூலம் மலையாளம், தமிழ், தெலுங்கு என மூன்று மொழிகளிலும் பிரபலமானார்.
பிரேமம் படத்திற்கு பின்னர் சில மலையாள படங்களிலும் நடித்தார். தற்போது தெலுங்கு படம் ஒன்றில் நடித்து வருகிறார். தமிழில் பெரிய ஹீரோக்களுடன் நடிக்க வந்த வாய்ப்புகளை மறுத்து விட்டு ஏ.எல்.விஜய் இயக்கத்தில் கரு படத்தில் நடிக்க ஒப்பந்தமாகியுள்ளார்.
சாய் பல்லவி ஒப்பந்தமாகும் முதல் தமிழ் படமென்பதால் மேலும் பல இயக்குனர்கள் இவரை படத்தில் நடிக்க வைக்க கதை சொல்லிவருகின்றனர்.
ஆனால், சாய் பல்லவி தனக்கு வரும் படங்களை அவரது தங்கைக்கு தள்ளிவிடுவதாக செய்திகள் வெளியாகியுள்ளது. தனது தங்கையும் சினிமாவில் பிரகாசிக்க வேண்டும் என்பதால் அவர் இவ்வாறு செய்வதாக தகவல் வந்துள்ளது.