ரெமோ வசூல் 50 கோடியை தாண்டும்!!!

சிவகார்த்திகேயன் நடித்த ரெமோ திரைப்படம் இந்த மாதம் 7ம் தேதி வெளியானது. வருகின்ற தீபாவளிக்குள் 50 கோடி வசூல் செய்து சாதனை படைக்கும் என்று தகவல் வெளியாகியுள்ளது.

இப்படத்தில் கீர்த்தி சுரேஷ், சரண்யா, சதீஷ் ஆகியோர் நடித்திருந்தனர். படம் வெளியாகி இரண்டு வாரத்தில் தமிழகத்தில் மட்டும் 45 கோடி ரூபாய் வசூல் செய்துள்ளதாக செய்திகள் வெளிவந்தன. பூஜை விடுமுறைகள், போட்டிக்கு குறைவான படங்கள் என்று சரியான நேரத்தில் திரைப்படத்தை வெளியிட்டதால் ரெமோ வசூல் பட்டையை கிளப்பி உள்ளது.

சிவகார்த்திகேயன் படம் பெரிய சாதனை நிகழ்த்தி உள்ளது என்றும் கூறப்படுகிறது. படம் குறித்தும், சிவகார்த்திகேயன் குறித்தும் பல்வேறு சர்ச்சைகள் எழுந்தாலும், ஒரு பக்கம் ரெமோ வசூல் சாதனை படைத்து கொண்டு தான் இருக்கிறது. இனி தீபாவளிக்கு புதுப்படங்கள் வரும் என்பதால் அதற்குள் ரெமோ 50 கோடி ரூபாய் வசூல் செய்யும் என கூறப்படுகிறது.