அரசியல் வேண்டாம் எனக் கூறி கூலி படத்தின் அப்டேட் கொடுத்த ரஜினிகாந்த்!

சூப்பர் ஸ்டார் ரஜினிகாந்த் நடிக்கும் கூலி படத்தின் சில மாதங்கள் ஐதராபாத்தில் செட் அமைத்துப் படமாக்கப்பட்டது. லோகேஷ் கனகராஜ் இயக்கும் இந்த படத்துக்கு அனிருத் இசையமைக்க, அன்பறிவ் சண்டைக் காட்சிகளை இயக்க, கிரிஷ் கங்காதரன் ஒளிப்பதிவாளராக பணியாற்றுகிறார். சன் பிக்சர்ஸ் நிறுவனம் தயாரிக்கிறது.

இந்த படம் ஒரு மல்டி ஸ்டார் படமாக உருவாகி வருவதால் பல முன்னணி நடிகர்கள் நடிக்கின்றனர். சத்யராஜ், நாகார்ஜுனா, ஸ்ருதிஹாசன் மற்றும் உபேந்திரா ஆகியோர் முக்கிய வேடங்களில் நடிக்கின்றனர்.  தற்போது ஷூட்டிங் ராஜஸ்தான் மாநிலம் ஜெய்ப்பூரில் நடந்து வருகிறது.

இந்நிலையில் சமீபத்தில் அவரை விமான நிலையத்தில் பத்திரிக்கையாளர்கள்  சூழ்ந்து பலக் கேள்விகளை எழுப்பினர். அப்போது ரஜினிகாந்த் “என்னிடம் அரசியல் கேள்வி கேட்கவேண்டாம் என ஏற்கனவே சொல்லிவிட்டேன்” எனக் கொஞ்சம் கடுமையாகப் பேசினார். பின்னர் “கூலி படத்தின் 70 சதவீத வேலைகள் நிறைவடைந்துள்ளன” எனக் கூறியுள்ளார்.