எதிர்பார்த்ததற்கு முன்பே ரிலீஸ் ஆகிறதா ரஜினிகாந்தின் ‘கூலி’ திரைப்படம்?

சூப்பர் ஸ்டார் ரஜினிகாந்த் நடிக்கும் கூலி படத்தின் சில மாதங்கள் ஐதராபாத்தில் செட் அமைத்துப் படமாக்கப்பட்டது. லோகேஷ் கனகராஜ் இயக்கும் இந்த படத்துக்கு அனிருத் இசையமைக்க, அன்பறிவ் சண்டைக் காட்சிகளை இயக்க, கிரிஷ் கங்காதரன் ஒளிப்பதிவாளராக பணியாற்றுகிறார். சன் பிக்சர்ஸ் நிறுவனம் தயாரிக்கிறது.

இந்த படம் ஒரு மல்டி ஸ்டார் படமாக உருவாகி வருவதால் பல முன்னணி நடிகர்கள் நடிக்கின்றனர். சத்யராஜ், நாகார்ஜுனா, ஸ்ருதிஹாசன் மற்றும் உபேந்திரா ஆகியோர் முக்கிய வேடங்களில் நடிக்கின்றனர்.  தற்போது ஷூட்டிங் ராஜஸ்தான் மாநிலம் ஜெய்ப்பூரில் நடந்தது. அடுத்த கட்ட ஷூட்டிங் தற்போது சென்னை எண்ணூர் துறைமுகத்தில் நடந்து வருகிறது.

இந்நிலையில் இந்த படத்தின் மொத்த ஷூட்டிங்கும் இந்த மாதத்துக்குள் மொத்தமாக முடியவுள்ளதாக சொல்லப்படுகிறது. இதனால் ஆகஸ்ட்டில் ரிலீஸாகும் என் எதிர்பார்க்கப்பட்ட ‘கூலி’ திரைப்படம் அதற்கு முன்பாகவே கூட வெளியாக வாய்ப்புள்ளதாக சொல்லப்படுகிறது.