தனது படம் வெளியாகும் போது மட்டும் ரசிகர்களை சந்திப்பதை வழக்கமாகக் கொண்டிருக்கிறார் ரஜினி. அந்த நேரங்களில் மட்டும், அரசியல் குறித்த கருத்துகள் அவரிடமிருந்து வெளியாகி ரசிகர்களை டெம்ப்ட் செய்யும்.
கோச்சடையான் ரிலீஸையொட்டி அவர் ரசிகர்களை சந்திக்கவில்லை. அதேநேரம் ரசிகர்களுடன் தொடர்ந்து தொடர்பில் இருப்பதற்காக ட்விட்டரில் இணைவதாகச் சொல்லி பரபரப்பை ஏற்படுத்தினார். ட்விட்டரிலும் இணைந்தார். அத்தோடு சரி. அதன் பிறகு அந்தப் பக்கத்தில் சின்ன கமெண்ட்கூட இதுவரை ரஜினி போடவில்லை.
டிசம்பர் 12 லிங்கா வெளியாகவிருப்பதால் ரசிகர்களை சந்திக்கலாமா என்று அவர் ஆலோசனை நடத்தி வருவதாக அவருக்கு நெருக்கமானவர்கள் கூறுகின்றனர். அப்படியே சந்தித்தாலும், அரசியல் பற்றி கூறி அப்பாவி ரசிகர்களை ஆவேசப்படுத்த மாட்டார் என்று நம்புவோம்.
