நீண்ட நாள் ஆசை நிறைவேறியது… அடுத்தடுத்து இரண்டு படங்களில் ரஜினியோடு நடிக்கும் லாரன்ஸ்!

சூப்பர் ஸ்டார் ரஜினிகாந்த் நடிக்க இருக்கும் ‘தலைவர் 171’ திரைப்படம் குறித்த அதிகாரப்பூர்வ அறிவிப்பை சன் பிக்சர்ஸ் நிறுவனம் சில மாதங்களுக்கு முன்னர் அதிகாரப்பூர்வமாக அறிவித்தது. இந்த படத்துக்கு அனிருத் இசையமைக்க, அன்பறிவ் சண்டைக் காட்சிகளை இயக்குவார்கள் என அறிவிக்கப்பட்டிருந்தது.இப்போது திரைக்கதை பணிகளில் ஈடுபட்டு வரும் லோகேஷ், இந்த படத்துக்கான நடிகர் நடிகைகள் தேர்வையும் மேற்கொண்டு வருகிறார்.

இந்நிலையில் இந்த படத்தின் ஷூட்டிங் ஏப்ரல் மாதத்தில் தொடங்க உள்ளதாக தகவலகள் வெளியாகியுள்ளன. மேலும் படத்தின் ஷூட்டிங் வெளிநாட்டில் நடக்க உள்ளதாக தகவல்கள் வெளியாகியுள்ள நிலையில், படம் அடுத்த ஆண்டு கோடை விடுமுறையில் ரிலீஸ் ஆகும் என தெரிகிறது. இந்த படத்தில் ரஜினிகாந்தை இளமையாகக் காட்ட டி ஏஜிங் தொழில்நுட்பத்தை இயக்குனர் லோகேஷ் மேற்கொள்ள உள்ளதாக தகவல்கள் வெளியாகியுள்ளன.

இந்நிலையில் இந்த படத்தின் பூஜை ஏப்ரல் மாதத்தில் 12 அல்லது 26 ஆகிய தேதிகளில் ஒன்றில் நடக்கும் என சொல்லப்படுகிறது. இந்நிலையில் இந்த படத்தில் ரஜினிக்கு வில்லனாக நடிக்க ராகவா லாரன்ஸ் ஒப்பந்தம் ஆகியுள்ளதாக சொல்லப்படுகிறது. மேலும் அடுத்து சௌந்தர்யா ரஜினி இயக்கத்தில் லாரன்ஸ் நடிக்கும் படம் ஒன்றில் ரஜினி கௌரவ வேடத்தில் நடிக்க உள்ளதாகவும் சொல்லப்படுகிறது.