நாங்களும் நடிப்போம் சரித்திர படம் - களம் இறங்கும் ராகவா லாரன்ஸ்

நடிகர் ராகவா லாரன்ஸ் ஒரு பிரமாண்டமான சரித்திர படத்தில் நடிக்க இருக்கிறார்.

பாகுபலி2 படத்தின் பிரமாண்ட வெற்றிக்கு பின் இந்திய திரையுலகம், சரித்திர மற்றும் புராண கதையம்சம் கொண்ட படங்களின் மீது தனது கவனத்தை திருப்பியுள்ளது.

இராமாயணம் ரூ.500 கோடி செலவிலும், மகாபாரதம் ரூ.1000 கோடி செலவிலும் சினிமாவாக தயாராக உள்ளது. இந்நிலையில், நடிகர் ராகவா லாரன்ஸ் நடிக்கும் ஒரு சரித்திர படம் பிரமாண்டமான பட்ஜெட்டில் தயாராக உள்ளது. 

18 மற்றும் 19ம் நூற்றாண்டின் பின்னணியில் உருவாக உள்ள இப்படத்தை, இயக்குனர் ராஜமௌலியிடம் உதவியாளராக பணிபுரிந்த மகாதேவ் என்பவர் இயக்குகிறார். முக்கியமாக, இப்படத்திற்கு பாகுபலி படத்தின் கதை, திரைக்கதையை உருவாக்கியவரும், ராஜமௌலியின் தந்தையுமான விஜேயேந்திர பிரசாத் இப்படத்திற்கு கதை, திரைக்கதை எழுதியிருக்கிறார்.

இப்படத்தை திரிஷா இல்லனா நயன்தாரா மற்றும் இமைக்கா நொடிகள் உள்ளிட்ட படங்களை தயாரித்த கேமியோ பிலிம்ஸ் நிறுவனம் தயாரிக்க உள்ளது.