இந்தியாவில் எந்த படமும் செய்யாத சாதனையை படைத்த புஷ்பா 2 ஆடியோ விற்பனை!

தெலுங்கு நடிகர் அல்லு அர்ஜுன் நடிப்பில் சுகுமார் இயக்கத்தில் கடந்த 2021 ஆம் ஆண்டு டிசம்பர் 18 ஆம் தேதி வெளியான படம் புஷ்பா. இந்த படம் தமிழ், தெலுங்கு, இந்தி மற்றும் கன்னடம் ஆகிய மொழிகளில் பேன் இந்தியா படமாக வெளியானது. கிட்டத்தட்ட 350 கோடி ரூபாய்க்கு மேல் இந்த படம் வசூலித்ததாக தகவல்கள் வெளியாகின.

இதையடுத்து இரண்டாம் பாகமான புஷ்பா தி ரைஸ் படத்துக்கான எதிர்பார்ப்பு நாளுக்கு நாள் அதிகமாகி வருகிறது. புஷ்பா 2 கதைக்களம் வெளிநாடுகளில் நடப்பது போல அமைக்கப்பட்டுள்ளதாம். முதல் பாகத்தில் நடித்த நடிகர்களே இரண்டாம் பாகத்தில் நடிக்க, கூடுதலாக சில நடிகர்களும் நடிக்க உள்ளதாக சொல்லப்படுகிறது.

இந்நிலையில் முதல் பாகத்தை விட பல கோடி ரூபாய் அதிக பட்ஜெட்டில் உருவாகி வரும் இந்த படத்தின் ஆடியோ ரிலீஸ் உரிமம் மட்டும் அனைத்து மொழிகளுக்கும் சேர்ந்து 45 கோடி ரூபாய்க்கு விற்கப்பட்டுள்ளதாக தகவல்கள் வெளியாகியுள்ளன. இந்தியாவில் இதுவரை எந்த படமும் இவ்வளவு  அதிக தொகைக்கு விற்கப்பட்டதில்லை என சொல்லப்படுகிறது.